কাজিৰঙাত ঢেকীয়াপতীয়া বাঘৰ পোৱালীৰ মৃত দেহ উদ্ধাৰ
নিউজ ডেস্ক, কাজিৰঙা লাইভ, ৯ ফেব্ৰুৱাৰী: দেউবাৰে কাজিৰঙাৰ ৰাষ্ট্ৰীয় উদ্যানৰ বাগৰি বনাঞ্চলত এটা ঢেকীয়াপতীয়া বাঘৰ পোৱালীৰ মৃত দেহ উদ্ধাৰ হয়। পুৱা হাতী চাফাৰীত যোৱা টুৰিষ্ট গাৰ্ডে ডোঙা বনশিবিৰ এলেকাত ফুটুকানিৰ মাজত পৰি থকা অৱস্থাত মাইকী পোৱালীটোৰ মৃতদেহটো প্ৰত্যক্ষ কৰে ৷ পাচত বনবিভাগৰ উচ্চ পদস্থ বিষয়া আৰু চি ডব্লিউ আৰ চিৰ পশু চিকিৎসক প্ৰানজিৎ বসুমতাৰীয়ে মৃত বাঘ পোৱালীটোৰ মৰোনোত্তৰ পৰীক্ষা কৰে ৷ মৰোনোত্তৰ পৰীক্ষাৰ পাচত বাঘ পোৱালীটো মতা বাঘৰ আক্ৰমনত মৃত্যু হোৱা বুলি জনায় পশু চিকিৎসকে ৷ পাচত মৃত ঢেকীয়াপতীয়া পোৱালীটোক বনাঞ্চলতে NTCA গাইড লাইন অনুসৰি দাহ কৰে ৷
